Бәсекелестікті қорғау және дамыту комитеті Қазақстанның үш қаласындағы ет жеткізушілерінің арасында заң бұзушылары анықтады, деп хабарлады LS.
Монополияға қарсы органның мәліметінше, ағымдағы жылдың 1 қарашасынан бастап Нұр-Сұлтан, Алматы және Шымкент қалаларында сиыр етін көтерме саудада өткізетін 14 кәсіпорында Кәсіпкерлік Кодекстің 170-бабында қарастырылған нарық субъектілерінің бәсекелестікке қарсы келісілген іс-әрекеттерінің белгілері болған. Оларға 10 хабарлама жіберілді. Олар 10 жұмыс күні ішінде орындалуы тиіс.
Статистикаға сүйенсек, 2019 жылы әлеуметтік маңызы бар азық-түлік тауарларының тізімінде тұрған сиыр етінің бағасы елде 15,5% қымбаттады. Сонымен қатар Алматыда баға 25,8%, Шымкентте - 24%, Түркістанда - 23,4%, Нұр-Сұлтанда - 13,4% қымбаттады.