Қазақстандық боксшы Жәнібек Әлімханұлы мен Нигериядан шыққан канадалық Альберт Онолуносе WBC Continental Americas және WBO Global титулдары үшін жекпе-жек алдында ресми салмақ өлшеу рәсімінен өтті. Бұл туралы Vesti.kz хабарлады.
Қазақстандық спортшы қарсыласынан ауыр болып шықты. Осылайша, Әлімханұлы таразыда 72,1 келіні, Онолуносе 71,6 келіні көрсетті.
Он раундтық жекпе-жек Калифорния штатындағы Фресно қаласындағы Chukchansi Park аренасында өтеді. 10 қарашада "Хабар" арнасында сағат 08:00-де тікелей эфир басталады.
Жәнібек Әлімханұлы 17 тамызда Лос-Анджелесте өткен соңғы жекпе-жегінде канадалық Стюарт МакЛелланды бесінші раундта нокаутқа түсіріп, өзінің екі титулын да қорғап қалған болатын.