17 жастағы мүгедек студентті аязды күні автобустан түсіріп кеткен елордалық жүргізуші жұмыстан шығарылды. Бұл туралы Нұр-Сұлтан қаласы әкімдігінің баспасөз хатшысы Ақмарал Олжабаева Facebook парақшасында жазды.
«Елорда әкімі Алтай Көлгіновтің тапсырмасы бойынша №1 автобус паркінің басшысы Н.Пулатовқа қатаң сөгіс жарияланды. Аязды күндері кәмелетке толмаған баланы тастап кеткен қала маңына қатынайтын бағдардағы автобус жүргізушісі жұмыстан босатылды. Барлық автобус парктерінің жүргізушілеріне осындай жағдайлардың алдын алу тапсырылды, қоғамдық көліктердің жұмысын бақылау күшейтілді», деп жазды Нұр-Сұлтан қаласы әкімінің баспасөз хатшысы Ақмарал Олжабаева Facebook парақшасында.