Үркер елді-мекенінде хоккей корты салынды. Онда балалар тек хоккей ойнап қана қоймай, конькимен де сырғанай алады. Бұл туралы Нұр-Сұлтан қаласы әкімдігінің баспасөз қызметі хабарлады.
Көктемде хоккей корты футбол алаңына айналады. Сондай-ақ балалар алаңы аумағында тренажерлер орнатылып, workout аймағы болады. Әрбір осындай кешен инклюзия элементтерімен қамтылған. Ерекше қажеттіліктері бар балалар да осы алаңдарда ойнай алады.
Бұл жобаны елорда әкімдігі Samruk-Kazyna Trust әлеуметтік жобаларды дамыту қорымен бірлесе жүзеге асырған.