Президент Ұлттық қоғамдық кеңестің екінші отырысында Үкіметке игерілмей, бос жатқан жерлерді экономикалық айналымға енгізу шараларын қолға алуды тапсырды.
- Үкімет тиісті құқықтық актілерді жедел қабылдап, игерілмей, бос жатқан жерлерді экономикалық айналымға енгізу шараларын қолға алуы тиіс. Мемлекет болашағына қатысты мәселе бойынша алауыздыққа жол беруге болмайды. Біз оң өзгерістерді билік пен қоғамның ортақ келісімі және сындарлы іс-әрекеті арқылы ғана жүзеге асыра аламыз, - деді Мемлекет басшысы Қасым-Жомарт Тоқаев Ұлттық қоғамдық кеңестің екінші отырысында.