«Ақ жол» партиясы Президент Қ.Тоқаевтың үстіміздегі жылдың 20 желтоқсанында Ұлттық қоғамдық сенім кеңесі отырысында берген тапсырмаларын қолдайды.
Партия төрағасы Азат Перуашев мәлімдегендей, Мемлекет басшысының саяси жүйені реформалау жөнінде айтқан митингілер туралы хабарлау рәсіміне көшу, саяси партияларды құруды жеңілдету, парламенттік оппозиция институтын біріктіру, бюджеттің жұмсалуына саяси және қоғамдық бақылауды енгізу сынды тапсырмалары қоғамның балама жолмен дамуын білдіреді.
«Ақ жол» партиясы қоғамның алдында биліктің ашықтығы мен есеп беруінің стратегиялық бағыты Тұңғыш Президент Нұрсұлтан Назарбаев қабылдаған «100 нақты қадам» Ұлт жоспарында бекітілгенін атап өту маңызды деп санайды.
Президент Қ.Тоқаев мемлекеттің кемелдігі мен батылдығын қажет ететін осы векторды кеңінен іске асыруды бастады. Өткен президенттік сайлауда саяси бәсекелестіктің күшейе түскенін айқын көрсетті. Осылайша елде жүргізіліп жатқан мемлекеттік демократияландыру саясатының сабақтастығы мен прогрессивті сипаты көрсетілді.
«Ақ жол» партиясы ұсынылған демократиялық бастамаларды іс жүзінде жүзеге асыру бойынша Парламентке нақты ұсыныстарын беруге дайындалып жатыр.
«Ақ жол» партиясы Президент Қ.Тоқаевқа Қазақстан Республикасының саяси жүйесін ырықтандырудағы бастамалары үшін алғыс айтып, хат жолдады.