Түркияның шығысында болған жер сілкінісінен қаза болғандар саны 31-ге жетті. Бұл туралы Anadolu агенттігі хабарлады.
Агенттік мәліметінше, құтқарушылар тобы үйінділер астынан зардап шеккен 44 адамды алып шықты. Медициналық көмекке барлығы 1566 адам жүгінген.
Зілзала салдарынан 76 ғимарат қирап, 643 нысанға айтарлықтай нұқсан келген. 425 нысан жеңіл және орташа деңгейде зақымданды. Жер сілкінісінен кейін 599 афтершок тіркелді.
Еске сала кетейік, Түркияның шығысында 24 қаңтар күні жергілікті сағат 20.55-те жер сілкінді. Зілзаланың ошағы Сивридже қаласы маңындағы Элязыг провинциясында тіркелген. Алғашқы магнитудасы 6,8 балдық болса, кейінірек 5,4-тен 3,5-ке дейінгі балдық жер сілкінісі болған.