Оған баруға 100 мың адам тілек білдіріпті
Голландиялық бастамашылардың Mars One жобасы бойынша Марс планетасына сапарға аттануға тілек білдіріп, арыз жазғандардың саны қазірдің өзінде 100 мың адамға жетіпті.
Mars One жобасы Марсқа енді Жерге қайтып келмейтін экспедиция ұйымдастыруды көздейді. Экспедиция мүшесі болғысы келетіндерді іріктеуге арналған ресми орын биылғы сәуір айында ашылды.
Жобаны жасаушылар «қызыл планетаны» жаулап алуды 2022 жылы бастауды жоспарлап отыр. Осыған дейін, 2015 жылдың шілдесіне қарай алғашқы 24 үміткер іріктеліп алынады деп күтілуде. Олар бұдан кейінгі 7 жыл бойы ұшу сапарына дайындалады. Әр ұшу кемесіне 4 адамнан отырғызылады.
Мұрат АЙТҚОЖА.