Бүгін Алматы қалалық полиция Департаментінің Баспасөз қызметі карантин аймағының периметрі бойынша 30 айналма жол жабылғаны жөнінде хабарлады.
Қаладан кіру/шығу үшін айналма жолдарды белгілеу мақсатында жедел қызмет және Алматы қаласының патрульдік полиция күштері Алматы облысымен шекаралас аудандарға сараптама жасады.
«Сонымен, сараптамалар барысында айналма жолдардың 30-ы анықталды және жабылды, бетон блоктар орнатылды. Сондай-ақ Ұлттық ұланның сарбаздарынан нарядтар қойылды. Олардың көпшілігі Алатау ауданында - 15, Жетісу ауданында - 7, Медеу ауданында - 1, Наурызбай ауданында - 4 және Түрксіб ауданында - 3 орналастырылды. Өкінішке орай, тәжірибе көрсеткендей, карантиндік аймаққа кіру үшін заңсыз әрекеттерге және тыйымға қарсы келетін азаматтардың санасыз санаты бар екенін көрсетеді. Және, олар бұл шаралардың, ең алдымен, өздерінің өмірі мен денсаулығының қауіпсіздігіне бағытталғанын түсінбейтін сияқты. Арнайы мамандандырылған ауданаралық әкімшілік соты ҚР ӘҚбК-нің 476 бабы - төтенше жағдай ережелерін бұзу бойынша, 47 әкімшілік материал қаралды, нәтижесінде 11 адам әкімшілік қамауға алынды, 36 адамға айыппұл салынды », - деді, Алматы қалалық полиция Департаментінің бастығы, полиция полковнигі Қанат Таймерденов.
Бақылау-өткізу пунктінің жазбасына сәйкес, барлығы бір күнде қала бойынша 1 мың 473 автокөлік кірді, олардың 484-і жеңіл көлік болса, 985 -і жүк көлігі, оның ішінде 1 мың 443 адам болды. Бір күнде қаладан 1 мың 653 автокөлік шықты, оның 544 -і жеңіл көлік, ал, 1 мың 104-і жүк көлігі, олардың ішінде 1 мың 050 адам болды.