Қазан қаласында қазақтың біртуар ақындары Мағжан Жұмабаев пен Мұқағали Мақатаевтың өлеңдер жинағы жарық көрді. Қалың оқырманға жол тартқан Мағжан Жұмабаевтың «Жан сөзі» деп аталатын өлеңдер жинағының таралымы – 1000 дана. Оны татар тіліне аударғандар – Нури Арсланов, Мөдәррис Әгьләм, Флера Тарханова, Рәдиф Гаташ. Мұқағали Мақатаевтың өлеңдер жинағы 500 данамен жарық көрген. Бұл жинақты ақын, бірнеше кітаптың авторы Назилә Усманова-Юсимова аударған. Бұйырса, татар оқырмандары көп кешікпей Қадыр Мырза Әлінің өлеңдерімен де сусындайтын болады.
Рафхат ХАЛЕЛОВ.
Суретті түсірген автор.
Қазан-Орал.