• RUB:
    5.54
  • USD:
    474.71
  • EUR:
    511.74
Басты сайтқа өту
Аймақтар 31 Наурыз, 2020

Атырау: 5 бағытты қамтитын волонтерлер штабы құрылды

180 рет
көрсетілді

Атырауда Азаматтық орталық базасында құрылған волонтерлер штабы 5 бағытты қамтитын болды.

- Атырау қаласында карантин мен облыс аумағында шектеулердің енгізілуіне байланысты волонтерлер штабы құрылды. Штабқа қаланың кез келген тұрғыны ерікті бола алады. Олар сұранысқа ие салаларда жұмыс істейді, - деп хабарлады өңірлік коммуникациялар қызметі.

Волонтерлер штабы бес бағытты қамтиды. Соның ішінде авто-еріктілер тұрғындарға азық-түлік пен дәрі-дәрмектерді жеткізуді көздеп отыр. Ал, медицина еріктілері жедел жәрдем станциясының мамандарына, СЭС еріктілері дезинфекция жұмыстарын атқаруға көмекші болады. Сондай-ақ, еріктілердің келесі тобы полиция қызметкерлерімен қоғамдық тәртіптің сақталуын қадағалайды. Бірнеше мәрте қолданатын медициналық маска тігуге еріктілер тігіншілер білек сыбана кіріспек.

Жұмасат ҒАЗИЗ