Спорттық атудан халықаралық федерация COVID-19 індетіне байланысты нысана көздеу және стенд атудан өтетін жасөспірімдер арасындағы әлем чемпионатын кейінге шегерді деп жазады Olympic.kz.
Жасөспірімдер арасындағы әлемдік сын 11-19 шілде аралығында Германияның Зуль қаласында өтуі тиіс болатын. Сонымен қатар 2-9 маусым күндері Мюнхен (Германия) қаласында өтеді деп жоспарланған нысана көздеуден әлем кубогы кезеңі де белгісіз мерзімге ауыстырылды.
Ал мамыр айында Үндістанда өтуі тиіс нысана көздеу мен стенд атудан әлем кубогы кезеңдерін ауыстыру туралы мәлімдеме әлі шыққан жоқ.