Өңірлік коммуникациялар қызметінің мәліметіне сүйенсек, «Теңізшевройл» ЖШС-не қарасты мердігер мекеменің бірінде жұмыс істейтін 50 жастағы әйелден жұқпалы індет белгісі табылды. Ол осындағы «Ватернас» вахталық қалашығында тұрады екен.
– Бұл оқиға компанияның өндірістік жұмысына әсер етпейді. «Теңізшевройл» компаниясы қызметкерлерін вирустан қорғау үшін барлық жағдайды жасады. Мұндағы барлық нысанда дезинфекциялық жұмыс тұрақты жүргізіледі. Компания төрт санитарлық бекеттің жұмысын ұйымдастырды, -деп хабарлады компанияның баспасөз қызметінен.
Қазір науқас әйел инфекциялық изоляторға жатқызылды. Онымен қарым-қатынаста болған адамдар оқшауландырылып жатыр.
Жұмасат ҒАЗИЗ