Әлеуметтік желіде тараған ер адамның супермаркетте бұзақылық жасағаны туралы видео тарады. Мас жігіт касса жанында ілулі тұрған витринаға шығып алған. Бұзақы онымен қоймай, витринаны әрлі-берлі қозғап, тіпті «милиция» шақыруды талап еткен.
«Бұл оқиға «Авангард» шағын ауданындағы супермаркетте болған. Атыру қаласының тұрғыны сауда орнына мас болып келген. Мұнда мас адам сатушылармен ұрсысып қалған» - деп хабарлады облыстық полиция департаментінің баспасөз қызметі.
Қоғамдық тәртіпті бұзған ер адам ҚР Әкімшілік құқықбұзушылық туралы Кодескске сәйкес жауапкершілікке тартылды. Сот оған 20 күнге әкімшілік қамауға алу түріндегі жаза қолданды.
Жұмасат ҒАЗИЗ