Бүгін Алматы қаласы Қоғамдық денсаулық басқармасының басшысы Тілеухан Әбілдаев БАҚ өкілдерімен өткен баспасөз брифингінде алдымен қаладағы эпидемиологиялық жағдайға тоқтала отырып, медициналық мекемелердің дәрілік және қорғануға керекті бұйымдармен жабдықталу барысын баяндады.
– Алматыда барлық медициналық ұйымдар дәрілік заттармен және медициналық мақсаттағы бұйымдармен толық көлемде жабдықталғанын атап өткен жөн. Қала бойынша медицина қызметкерлерін вирус жұқтырудан қорғау үшін 3 мыңнан астам жеке қорғаныс құралдары бар. Сонымен қатар, барлық медициналық ұйымдар дезинфекциялау құралдарымен және теріге арналған антисептиктермен қамтамасыз етілген. Оған республикалық бюджеттен да, жергілікті бюджеттен да қаржы бөлінді.
Үкімет резервінің бірінші траншынан қала 73 миллион теңгеден астам қаражат алды, оларға медицина қызметкерлері үшін жеке қорғаныс құралдары және коронавирустық инфекциямен ауыратын науқастарды емдеуге арналған дәрілік заттар сатып алынды. Алматы қаласы әкімдігінің резерві есебінен обаға қарсы костюмдер мен респираторларға қосымша жергілікті бюджет қаражатынан 94,5 миллион теңге бөлінді. Сондай-ақ, дезинфекциялық құралдар сатып алынды.
Сондай-ақ, Үкімет резервінің төртінші траншынан 1,3 миллиард теңге бөлінді. Онда, сондай-ақ, медицина қызметкерлері үшін жеке қорғану құралдарын, дезинфектанттарды, антисептиктер мен коронавирустық инфекциямен ауыратын науқастарды емдеуге арналған дәрі-дәрмектерді жеткізуге шарттар бекітілді.
Сонымен қатар, жергілікті бюджеттен қосымша 460 млн. теңге медицина қызметкерлерінің тұруына және тамақтануына және 20 млн теңге тепловизор сатып алуға бөлінді.
Коронавируспен күресуге жұмылдырылған денсаулық сақтау ұйымдары жұмыскерлерінің жалақыларына үстемеақы төлеуге қатысты. Атап өткеніміздей, төлемдер осы айдың басында басталған болатын.
Осы мақсаттарға 1134,8 млн теңге көлемінде қаражат бөлінді. Барлық төлемдерді 3 711 адам алады, – деді Алматы қаласы Қоғамдық денсаулық басқармасының басшысы.
Тілеухан Әбілдаевтың айтуынша, қазіргі уақытта төлем келесі санаттағы адамдарға жүргізілген:
1 тәуекел тобына – 555 қызметкер, төлем сомасы – 375,1 млн теңге.
2 тәуекел тобына – 2 283 қызметкерге, төлем сомасы – 569,9 млн теңге.
3 тәуекел тобына – 874 қызметкерге, төлем сомасы – 118,3 млн теңге.
Төлемдер Салық кодексіне сәйкес барлық салықтарды ескере отырып, айлықтық жұмыс балансынан аспайтын нақты жұмыс істеген уақыты (күндер/сағаттар) үшін жүргізіледі.
Бүгінгі күні медицина қызметкерлеріне 1063,3 млн теңгеге төлем жүргізілді, бұл 96%-ды құрайды. Төлемдер жүргізу жалғасуда.
Осы күннің соңына дейін медициналық жедел жәрдем қызметі бойынша қалған барлық сома екі карантиндік ұйымға төленетін болады.
АЛМАТЫ