Түркістан облысы Жетісай ауданының Ж.Ералиев ауылдық округінде орналасқан С.Сейфуллин атындағы N52 жалпы орта мектебінің ұстаздары көпке үлгі боларлық іс жасады.
Мектеп директоры Ғазиза Шүкірбаеваның бастамасымен мұғалімдер ауылдағы 24 аз қамтамасыз етілген және көпбалалы отбасыларға қайырымдылық көрсетіп, азық-түлік үлестірді. Бұдан бөлек, 620 оқушыға бетперде таратып, аз қамтылған отбасы балаларына дәптер мен қалам тарту етті. Мектеп директоры көпбалалы отбасылардың балалары қажеттілігіне қарай толығымен ыстық тамақпен қамтылғанын айтады. Сонымен қатар, ауылдың қалталы азаматтары мен ата-аналардың, ұстаздар қауымының демеушілігімен қайырымдылық акциялары жиі ұйымдастырылып, жиналған қаражатқа мұқтаж оқушыларды оқуға қажетті құрал-жабдықтар, киім-кешектер таратылып отырады.
Өзгелерге үлгі көрсетіп отырған мектеп ұстаздары мұндай қайырымдылық шараларын өткізуді алдағы уақыттарда да жалғастырмақ.
Түркістан облысы