Бітімгерлер өз міндеттерін сапалы орындауда

Қазір Ливандағы жағдай тұрақты. Қалыптасқан ахуал жер­гі­лікті билік пен «Ливан­дағы БҰҰ уақытша күш­те­рі» қолбасшылығының бақы­лауында. 26 сәуірге дейін елде төтенше жағдай жарияланған. Дипломатиялық тұлғаларды қос­пағанда, бүкіл халық үшін Бейрут әуежайы, құрлық және теңіз өткелдері жабылған.

Қазақстандық 3-ші бітім­гер­шілік ротасының командирі, майор Жәнібек Нұрлановтың айтуынша, бітімгершілік база­сын­­дағы жағдай тұрақты. Жа­уап­кершілік аймағында миссия­дағы 11 мың әскери қыз­­метші мен азаматтық бітім­гер­лер­дің денсаулық қауіп­сіз­ді­гін қам­та­масыз ету үшін карантин енгі­зіл­ген.

Бітімгерлік базаның әрбір бақылау-өткізу пунктінде ме­ди­циналық персонал кезек­ші­лік етеді. Байланыссыз термо­мет­рия жүзеге асырылып, сани­­тар­лық-гигиеналық норма­ларының қатаң сақталуы бақы­ла­нады.

Бітімгерлерге вирусты жұқ­тыру фактілері тіркелген аудан­дар­ға сапар жасамау және жер­гілікті халықпен қарым-қаты­нас жасауға барынша шектеу ұсынылған. Жеке құраммен ко­ронавирустық инфекцияны жұқ­тырудың алдын алу және бол­дырмау бойынша сабақтар үнемі өткізіледі.

«Біздің алдымызда тұр­ған ең маңызды міндет – бітім­герлерімізді вирусты жұқ­ты­ру­дан қорғау. Сонымен қатар оның таралуының алдын алу. Қазіргі уақытта біздің жұ­мы­­сымыз осы­­ған бағыт­тал­ған», дейді қа­зақ­­стандық кон­тин­генттің ко­ман­­дирі.

Командирдің айтуынша, біздің бітімгерлердің мо­раль­дық-психологиялық жағ­­да­йы жоғары деңгейде. Ол­ар барлық қауіпсіздік шарала­рын қатаң ұстана отыра, «кө­гіл­дір сызық» бойында тұ­рақ­­­тылықты қамтамасыз ету үшін 24/7 режімінде жедел қыз­метті жү­зеге асыру сынды өз мін­дет­терін орындауды жал­ғас­ты­руда.

Қазақстандық бітімгершілік кон­­тингенті модульдік үлгі­де­гі екі бітімгершілік базада ор­на­ласқанын атап өткен жөн. Күн­­делікті жайлы жағ­дайы қа­лыптасқан. БҰҰ тарапынан қам­та­масыз етілетін үш мезгілдік тамақтану ұйымдастырылған. Дене шынықтырумен айналысу үшін жабдықталған спорт залы бар. Міндеттерді орындаудан бос уақыт кезінде бітімгерлер фут­бол, волейбол, шахмат және бильярд ойнайды. Әркім өз отбасымен бейнебайланыс арқылы хабарласа алады.

Миссия басшылығы қазақ­с­тан­дық бітімгерлердің жақсы да­йындығы мен тәртіптілігін атап өтті.