Бүгін Атырауда шектеу шаралары күшейтілді. Өйткені, мұнда да карантин мерзімінің 1 мамырға дейін ұзартылды.
–Бөлшектеп сатумен айналысатын дүкендерді азық-түлік тауарларымен көтерме күйде қамтамасыз ететін сауда объектілерін қоспағанда жәрмеңке, азық-түлік сататын базарлардың және адамдар жаппай шоғырланатын тағы басқа объектілердің жұмысын тоқтатылсын -делінген Атырау облысының бас мемлекеттік санитарлық дәрігері Темірбек Мұсағалиевтың қаулысында.
Ал, мал базарлары мен мал сою цехтары сағат 09:00-ден 20:00-ге дейін жұмыс істейді. Оларға «клиентке дейін жеткізу» принципімен рұқсат берілген.
Жолдасбек Көшербайұлы