Осы сәтке дейін мәлім болған дерек бойынша Алматы облысында коронавируспен ауырғандар саны 114 адамға жетті. Бүгін Іле ауданында тағы бір тұрғыннан індет белгісі табылды.
- Іле ауданында бүгін COVID-19 инфекциясымен ауырған тағы 1 адам тіркелді. Профилактикалық тексерілу кезінде 1988 жылы туған азаматтан КВИ анықталған. Науқас қазір Қарасай аудандық орталық ауруханасының инфекциялық бөліміне жатқызылды, - деп хабарлайды Алматы облысы әкімінің баспасөз қызметі.
Жұқпалы індет белгісі анықталған азамат 47 адаммен қарым-қатынас жасаған, олардың барлығы оқшауланды. Оның ішінде 34 адамның тексеру қорытындылары таза болып шықты, эпидемиологиялық тексерулер жалғасуда.