Алматыда COVID-19 инфекциясының 215 ошағы алынып тасталды. Оның 13-і соңғы тәулікте шектеуден алынған. Бұл туралы қалалық Тауарлар мен қызметтердің сапасы мен қауіпсіздігін бақылау департаменті хабарлады.
Мегаполисте дәл қазіргі уақытта 151 індет ошағы бар. Олардың басым бөлігі шаһардың Әуезов ауданына тиесілі. Нақтылай кетер болсақ, Әуезов ауданында 36, Бостандық ауданында 27, Алатау ауданында 21, Медеу ауданында 18, сондай-ақ, Жетісу ауданында 17, Алмалы ауданында 12, Түрксіб ауданында 10, Наурызбай ауданында 10 індет ошағы бар.