Жосалы кентіндегі бірқатар нысандар мен балалардың ойын алаңдарында және көшелерде дезинфекция жұмыстары жүргізілді. Бұл туралы аудан әкімінің баспасөз қызметі хабарлады.
Осындай жұмыстар Төретам кенті мен Ақай ауылдық округтерінде де жалғасып, елдімекендерде санитариялық-эпидемиологиялық талаптардың сақталуын қадағалау күшейе түсті.
Бүгіннен бастап облыста карантиндік шектеу шаралары жеңілдетіле түспек. Бірақ, санитарлық талаптардың сақталуы қатаң қадағаланады.
Індеттің таралуын тежеу үшін тұрғындар арасында арнайы дауыс зорайтқыш құралдары орнатылған көліктермен сақтық шаралары жөнінде түсіндіру жұмыстары үнемі жүргізіп келеді.