Түрленген Талдықорған бүгінде республикалық деңгейдегі игі шаралар өткізуде де өзіндік орнын айшықтаған қала. Соның нақты дәлелі ретінде өткен аптада «Мемсараптама» республикалық мемлекеттік кәсіпорны өткізген «Тілге құрмет – елге құрмет» атты республикалық фестивальді айтуға болады. Қазақстан халқы тілдерінің күні дәстүрлі шарасы аясында Мемсараптама ұжымы биыл үшінші рет ұйымдастырған додаға 17 облыстан келген командалар қатысты. Бұл фестивальдің ерекшелігі сол – игі шараны өткізетін өңірлік командалар бір жыл бұрын жеребе арқылы анықталады. Сосын, жыл бойы командалар жеңімпаз болуға зор ынтамен дайындалады. Қазақстанда тұратын өзге ұлттардың тілдерін, билерін және әндерді үйренеді, ұлттық костюмдер тігеді. Сөйтіп жұмыста ұқыптылыққа дағдыланған мемлекеттік сарапшылар мәдени іс-шараларға дайындалуда да тиянақтылықтарын танытады.
Түрленген Талдықорған бүгінде республикалық деңгейдегі игі шаралар өткізуде де өзіндік орнын айшықтаған қала. Соның нақты дәлелі ретінде өткен аптада «Мемсараптама» республикалық мемлекеттік кәсіпорны өткізген «Тілге құрмет – елге құрмет» атты республикалық фестивальді айтуға болады. Қазақстан халқы тілдерінің күні дәстүрлі шарасы аясында Мемсараптама ұжымы биыл үшінші рет ұйымдастырған додаға 17 облыстан келген командалар қатысты. Бұл фестивальдің ерекшелігі сол – игі шараны өткізетін өңірлік командалар бір жыл бұрын жеребе арқылы анықталады. Сосын, жыл бойы командалар жеңімпаз болуға зор ынтамен дайындалады. Қазақстанда тұратын өзге ұлттардың тілдерін, билерін және әндерді үйренеді, ұлттық костюмдер тігеді. Сөйтіп жұмыста ұқыптылыққа дағдыланған мемлекеттік сарапшылар мәдени іс-шараларға дайындалуда да тиянақтылықтарын танытады.
Фестиваль бағдарламасы – конкурстық «Менің Отаным – Қазақстан» атты өлеңді көркем тілде оқу, Қазақстан халықтарының өлеңдері мен билерін орындау, халықтар достығы вальсін билеу бойынша үш турдан тұрды. Мемлекеттік саясатқа сай ұйымдастырылған фестивальді Алматы облысы әкімінің міндетін атқарушы Амандық Баталов ашып: «Жетісу өлкесі сөз өнерінің сүлейлері Сүйінбай мен Жамбылдың, Ескелді мен Қабылисаның, Ілияс пен Мұқағалидың туған мекені. Сондықтан тілдің қадір-қасиетін айқын ұғынатын біздің өлкемізде мұндай маңызды шараның өтуі аса құптарлық жайт. Бүгінгі күні елімізде үш тұғырлы тіл саясаты жүзеге асырылып келеді. Яғни кез келген сауатты азаматтың қазақ, орыс, ағылшын тілдерін білуі – уақыт талабы. Дегенмен, Елбасымыздың «Қазақ тілі үш тілдің біреуі болып қалмайды. Үш тілдің біріншісі, негізгісі, бастысы, маңыздысы бола береді», деп атап көрсетуі мемлекеттік тілдің қоғамдағы орнын айқындап берді. Тіл – халықтың жаны, ана тіліне қамқорлық жасалса халқымыздың салт-дәстүрі жаңғырып, тарихымыз да түгелденіп, мәдениет пен өнеріміз де өрістейді. Сондықтан да біздің облыста мемлекеттік тіл мәселесіне ерекше мән беріледі. Республикада тұңғыш рет Тіл сарайы облыс орталығы Талдықорған қаласында бой көтерді. Өңірдегі аудан, қалалардың бәрінде тіл оқыту орталықтары жұмыс істеп тұр. Барлығы да соңғы үлгідегі құралдармен жабдықталып, онда қазір мемлекеттік қызметшілер, бюджет саласының қызметкерлері қазақ, орыс, ағылшын тілдерін меңгеруде. Мемлекеттік тілдің қолданыс аясын кеңейту – барша қазақстандықтың, оның ішінде әрбір мемлекеттік қызметшінің басты парызы. Елімізде тұратын этностардың тілін сақтай отырып, мемлекеттік тілді қоғамның барлық саласында дамытуға бәріміз де атсалысуымыз керек. Бұл ретте «Мемсараптама» РМК ұйымдастырып отырған «Тілге құрмет – елге құрмет» атты республикалық тіл фестивалінің жұмысын атап өткен жөн», деді Амандық Баталов.
Фестивальға қатысушылар мәтінді үздік мәнерлеп оқушы; халық әнін үздік орындаушы; үздік концерттік костюм; биді үздік орындау номинациялары бойынша сынға түсіп, жеңімпаздар «Мемсараптама» кәсіпорны басшылығынан сыйлықтар алып, Талдықорған қалалық әкімдігінің грамоталарымен, Қазақстан халқы Ассамблеясының және Тілдер комитетінің мақтау қағаздарымен марапатталды. Биылғы жылы жеңімпаз болған Атырау облыстық командасы келесі жылы «Тілге құрмет – елге құрмет» атты фестиваль өткізу эстафетасын қ