Алтын көпірге айналды

Өткен бейсенбі күні Алматы облысының өнер майталмандары мен жұртшылық өкілдері Алматы қаласына келді. Меймандарды алматылықтар ыстық ықыласпен, қарсы алды. Іле-шала Жамбыл атындағы мемлекеттік филармонияда облыстың Алматы қаласындағы мәдени күндеріне байланысты баспасөз мәслихаты өткізілді. Алматы облысы әкімінің орынбасары Серік Мұқанов пен Алматы қаласы әкімінің орынбасары Зәу­реш Аманжолова мәдени күндердің мақсаты туралы айтып берді.

Өткен бейсенбі күні Алматы облысының өнер майталмандары мен жұртшылық өкілдері Алматы қаласына келді. Меймандарды алматылықтар ыстық ықыласпен, қарсы алды. Іле-шала Жамбыл атындағы мемлекеттік филармонияда облыстың Алматы қаласындағы мәдени күндеріне байланысты баспасөз мәслихаты өткізілді. Алматы облысы әкімінің орынбасары Серік Мұқанов пен Алматы қаласы әкімінің орынбасары Зәу­реш Аманжолова мәдени күндердің мақсаты туралы айтып берді.

«Өнерім саған – Жетісу» атты халықтық дәстүрлі өнер және өңірдің экономикалық-әлеуметтік жетістігін дәріптейтін көрмелер де көпшіліктің көңілінен шықты. Халық ісмерлерінің шебер қолымен жасалған күнделікті тұтыну бұ­йым­дары, зергерлік сәндік заттар келушілердің қызығушылығын туғызды. Мемлекеттік филармонияда мәдени күндердің ашылуына арналған мерекелік концерт Мұқан Төлебаев атындағы халық аспаптар оркестрінің даңқты композитордың «Тамаша» толғауымен басталды.

– Алматы қаласы жұрт­шы­лығының жетісулық өнерпаз­дарды ыстық ықыласпен қарсы алуы бізді шабыттандырып, қолтығымыздан демеп жібергендей болды. Өнер дарыған Алматының қонақтарға деген ниетінің ерекше екенін бұрыннан жақсы білетінмін. Бір өзеннің қос қапталында бір-бірімізге демеу болып, жақын араласып жатқан жағдайымыз бар. Елбасымыз әлемдегі өркениетті елу елдің қатарына қосылуымыз үшін әрбір қазақстандықтың үлес қосуы қажеттігін бостан-босқа айтып жүрген жоқ. Алматы облысының бұрыннан еліміздің көшбасында келе жатқанын ешкім жоққа шығармаса керек. Біздің әрқайсымыз еңбекте, қызметте, өнерде болсын, тәуелсіз еліміздің мерейін көтеру үшін қажыр-қайратымызды, білім-қабілетімізді, шалқар шабытымызды жұмсауымыз керек, – деді Алматы облысы әкімінің орынбасары Серік Мұқанов.

Алматы облысының өнер­паздары Алматыға Жетісу жері­нің жомарттығы мен бай өнер мұрасының інжу-маржандарын тарту еткелі келді. «Құлансаз» фоль­­клорлық-этнографиялық ан­­­самблі мен облыстық фи­лармонияның «Бигбенд» оркестрі, одан бөлек Қарасай, Жамбыл, Іле, Талғар және Еңбекшіқазақ аудандарының қыз-жігіттері де үлкен өнер бағ­дарламасын көрсетті. Алматы қаласындағы мәдени күндері шеңберінде Жамбыл атындағы мемлекеттік жасөспірімдер кітап­ханасында бір топ жетісулық ақын-жазушылар оқырмандармен жүздесіп, өздерінің шығармашылық жоспарлары туралы әңгімелеп, ой-пікірлерімен бөлісті.

Осы шараға байланыс­ты жетісулық өнер иелері мен жұрт­­шылық өкілдерін Алматы қала­сының әкімі Ахметжан Есімов қабылдап, алғыс айтты.

Алматыға келген жетісулық меймандар қаланың көрікті жерлері мен әсем табиғатын тама­шалады. Жалпы алғанда, облыс пен Алматы қаласы тұр­ғындарының барыс-келіс, өзара қарым-қатынасы осы мәдени күн­дермен шектеліп қалмайды. Ал­дағы кезде де өзара байланыс одан әрі жалғаса бермек.

Қанат ЕСКЕНДІР,

«Егемен Қазақстан».

АЛМАТЫ.