Халықаралық баскетбол федерациясының орталық кеңесінің шешімімен жарыстардың өткізілу уақыттары белгіленді. Бұл туралы Olympic.kz хабарлады.
Жарысты өткізетін ел мен FIBA комиссиясы Индонезия, Жапония мен Филиппинде баскетболдан әлем кубогінің топтық кезеңдері мен Филиппин астанасы Манилде өтетін финалдық кезеңдерді бекітті.
Жарыс тарихында бір уақытта бірнеше елде өтетін дода ретінде бірінші рет ұйымдастырылып отыр. Сонымен қатар, Орталық кеңестің мәлімдеуінше FIBA 2023 жылы өтетін әлем кубогінің ресми сайтын дайындайды. Аталған дода басталғанға дейін тұрақты түрде жаңартылып, нақты ақпараттар таратылып отырады.
2023 жылғы әлем кубогіне дүниежүзінен 32 команда қатысады деп жоспарлануда.