Абай атындағы ҚазҰПУ Педагогика және психология институтының «Бастауышта оқыту педагогикасы мен әдістемесі» мамандығының 1 курс студенті Малика Баудинова доцент Әсел Акпаеваның жетекшілігімен өткен «Қазақстанның үздік студенті-2020» халықаралық байқауына қатысты.
Байқау «BILIM-ORKENIETI» Ұлттық инновациялық ғылыми-зерттеу орталығының және ҚР Білім Министрлігінің қолдауымен өтті.
Ағымдағы жылдың қаңтар айында өткен іріктеу кезеңінде Малика Баудинова байқауға қатысу мүмкіндігіне ие болған еді. Ал мамыр айында Нұр-Сұлтан қаласында салтанатты рәсімі жоспарланған байқау нәтижесі бойынша Малика І дәрежелі диплом мен медаль алды. Жеңімпаз есімі «Қазақстанның үздік студенті-2020» халықаралық байқауының жинағында жарық көретін болады.