Көлік жүргізушілері кептелістің алдын алу үшін маршрутын алдын-ала жоспарлауы керек, деп хабарлайды елорда әкімдігінің ресми сайты.
Жол желісін орташа жөндеу аясында Түркістан көшесінде Достық көшесінен Қонаев көшесіне дейінгі учаскеде жол құрылысы жүргізілуде, деп хабарлады қалалық көлік және жол-көлік инфрақұрылымын дамыту басқармасы.
Осыған орай, 3-9 мамыр аралығында аталған учаскедегі жолды жартылай жабу жоспарланған.
«Елорда тұрғындары мен қонақтары қала жолдарында кептеліс тудырмау үшін маршрутын алдын-ала жоспарлауы керек. Қолайсыздықтар үшін кешірім өтінеміз және жөндеу жұмыстарына түсіністікпен қарауды сұраймыз», – делінген хабарламада.