Қызылорда облысында өткізіліп жатқан "Қарасора-2020" арнайы жедел-профилактикалық іс-шарасы барысында полиция қызметкерлері Жаңақорған ауданы Төменарық аулында ауласына сора еккен 61 жастағы тұрғынды ұстады, - деп хабарлайды Egemen.kz.
Жедел-тергеу тобы қызметкерлері үй ауласында 83 түп сора өсіп тұрғанын анықтады. Ол заттай дәлелдеме ретінде алынып, тиісті сараптама тағайындалды.
Бұл дерек бойынша Қазақстан Республикасы Қылмыстық кодексінің 300-бабының 2-бөлігімен сотқа дейінгі тергеп-тексеру амалдары жалғасуда, ал ауыл тұрғыны Жаңақорған аудандық полиция бөлімінің уақытша ұстау абақтысына қамаққа алынды.
"Облыс көлемінде өткізіліп жатқан "Қарасора-2020" арнайы жедел-профилактикалық іс-шарасы барысында департаменттің Есірткі қылмысына қарсы іс-қимыл басқармасы қызметкерлері есірткіге қатысты 24 құқық бұзушылықты анықтады", - дейді Полиция департаментінің бастығы, полиция полковнигі Бектөре Сұлтан.
Қызылорда облысы