Гондурас президенті Хуан Орландо Эрнандес және зайыбынан коронавирустың жаңа түрі анықталды. Бұл туралы РИА Новостиге сілтеме жасап Egemen.kz жазады.
«Президент және жауапты азамат ретінде, сіздерге хабарлағым келеді. Демалыс күндері өзімді нашар сезіне бастадым, содан кейін бүгін COVID-19 диагнозы қойылды», дейді Х.Эрнандес. Ол өзінің міндеттерін қашықтан атқарып, оқшаулануды жалғастыратынын тілге тиек етті. Ағымдағы жылдың 14 маусымына дейін Гондураста карантиндік режім уақыты ұзартылған еді. Әйткенмен, бұл жағдайдан кейін қайта сақтандыру шаралары жүзеге асатын сияқты.