Құрманғазы ауданында терезеден құлаған сәби бас-сүйек жарақатын алды, деп хабарлайды Egemen.kz
Облыстық Төтенше жағдайлар департаменті баспасөз қызметінің мәліметіне сүйенсек, оқиға Ақкөл ауылында кеше сағат 23:39-да болған.
"Ақкөл ауылының Иманов көшесінде орналасқан үйдің екінші қабаттағы терезесінен 2 жасар қыз құлап кетті. Балақай жабық бас-сүйек жарақатымен аудандық ауруханаға жатқызылды" деп хабарлады аурухананың баспасөз қызметі. Жыл басынан бері Атырау облысында осындай салғырттықтан 4 оқыс оқиға тіркеліп отыр.