Бүгін Алматы қаласы өңірлік коммуникациялар қызметінің алаңында қалалық Қоғамдық денсаулық басқармасының басшысы Камалжан Надыров мегаполистегі эпидемиологиялық жағдай туралы жан-жақты баяндады, - деп хабарлайды Egemen.kz.
Эпидемия басталғаннан бері қалада жалпы 3 530 жағдай тіркелсе, 2 178 адам емделіп шықты. Қайтыс болғандар саны – 23.
Осы арада жағдайы ауыр және өте ауыр пациенттердің 80%-дан астамын жасы 60-тан асқандар құрайтындығын атап өткен жөн.
Сонымен қандай пациенттер ауруханаларға жатқызылады?
"Госпитализацияға COVID-19 індеті расталған, дене қызуы 3 күннен бері 38,5°С болса, қанның оттегімен қанығу 95 пайызды кұраса, сондай-ақ өкпеде 25 пайыздан астам өзгерістердің басым пневмония белгілері бар (КТ нәтижелері бар) пациенттер алынады", – деді Камалжан Надыров.
Одан басқа, жасы 65-тен асқан созылмалы аурулары бар науқастар мен гемодиализ ем-дом шараларын қажет ететін иммун тапшылығы белгіленген науқастар ауруханаға ем қабылдау үшін жатқызылады.
Жатақханада 65-тен жоғары адамдармен немесе қауіп тобына кіретіндермен бірге тұрып, COVID-19 расталған адамдар да ауруханаға жіберіледі.
Қазір қалада амбулаториялық деңгейде бақылауда 2986 адам бар, оның ішінде симптомсыз түрде 2365 адам, бұл 79%-ды құрайды. 621-дің симптомдары бар, бұл 21%-ды құрайды. Амбулаториялық деңгейде симптомдары бар ауырлықтың жеңіл дәрежесінде 555 адам – 89%, ауырлықтың орташа дәрежесінде 66 адам немесе бақылау жүргізілген адамдардың жалпы санының 11%-ын құрады. Созылмалы аурулары бар, тәуекел тобындағы 60 жастан асқан адамдарға ерекше көңіл бөлінуде, қазіргі уақытта олардың саны 94-ті құрап отыр.
Әрбір емханада бекітілген регламентке сәйкес пациенттерді бақылау, мониторинг жүргізу жұмыстарымен айналысатын 72 мобильдік бригадалар құрылған. Мобильдік топтың құрамына – бөлімше меңгерушілері, инфекционист дәрігерлер, эпидемиологтар, учаскелік дәрігерлер мен мейірбикелер кіреді. Барлығы 287 алғашқы санитарлы-медициналық көмек көрсету қызметкері жұмылдырылған. Жұмыс сапасын арттыру мақсатында аталмыш бригадалардың санын арттыру бойынша жұмыстар жүргізіп отырмыз.
Маусым айыннан бастап емхана бақылауында 19 мыңнан астам жақын байланыста болған адамдар бар.
"Білуімізше, КВИ-дің қауіпті және жиі асқынуларының бірі – пневмония. Жағдайды ауырлығын бағалау үшін уақтылы өкпенің компьютерлі томографиясын жүргізу қажет. Осыған байланысты, біз КТ қызмет көрсетушілерінің тізімін жасадық, емханалар КТ орындайтын мемлекеттік және жеке меншік ұйымдармен шарттар жасасты. Қала бойынша аталған қызмет көрсетушілер саны – 12. КТ қызметін жеткізушілер коронавирустық инфекция диагнозы расталған пациенттерді қабылдау жұмыстарының бөлек кестесін және ауру белгілері ұқсас пациенттерге арналған жеке уақытты анықтады. Осылайша, біз КТ кабинеттерінің өткізу қабілетін талдап, жұқтырған пациенттердің ағымдағы саны кезінде Алматы қаласы бойынша халықты КТ қызметтерімен қамтамасыз етуде проблемалар болмауы тиіс деген қорытындыға келдік. Сондай-ақ, үш ай ішінде КТ аппаратын Қалалық балалар қалалық клиникалық жұқпалы аурулар ауруханасы және медициналық жедел-жәрдем көрсету ауруханасына жеткізу күтілуде, бұл осы зерттеуге қол жетімділікті арттырады", – деді қалалық Денсаулық сақтау басқармасының басшысы..
"Айта кететінім, дәрігердің нұсқауынсыз радиациялық сәулеленудің жоғары болуына байланысты, КТ зерттеуден өту қажет деп қарыстырылмайды.
Осы жерде жедел жәрдем қызметі туралы да айтқым келеді. Қоңырау шалу саны бүгінде күрт өсті. Егер мамыр айында шамамен 2500 қоңырау түскен болса, маусым айында күніне қоңыраулар саны 8000-ға жетеді.
Бригадалардың жұмысы да ауыр болып келеді. Жүктеме күрт артты. Егер мамырда бригаданың орташа тәуліктік жүктемесі шамамен 9 қоңырау болса, маусым айында ол екі есеге өсті.
Қаладағы зертханалық диагностика жағдайына келсек, біздің зертханаларымыздың бірқатары түрлі себептермен уақытша істен шықты. Осы аптада олар жұмысқа қайта қосылады. Сондай-ақ Болат Өтемұратовтың қоры сыйлаған мобильдік зертхана пайдалануға беріледі", – дейді Камалжан Надыров.
"Бұл зертхана 1000 сынақты өткізе алады және болашақта қуаттылықты күніне 5000 сынаққа дейін арттыруға мүмкіндігі бар.
Зертханалардың істен шығуы қоғамда белгілі бір резонанс тудырғаны белгілі. Бірақ, пациенттерде тест нәтижесінің оң болмауына қарамастан, коронавирусқа ұқсас клиникалық көрініс тапқан жағдайда, біз диагностикалау мен емдеудің жаңа клиникалық хаттамасына сәйкес, тестілеу нәтижесін күтпестен емдеуді бастаймыз. Бұл емдеу процесін бақылауға және процесті қауіпті асқынуларға дейін өршітіп алмауға мүмкіндік береді. Болашақта осындай келеңсіз жағдайларды болдырмау үшін жеке-меншік жеткізушілерді тарту арқылы ағымдағы қуаттарды арттыру және жаңа зертханаларды ашу сияқты мәселелер шешіліп жатыр", – деді Алматының Бас дәрігері.