Қостанай облысына кезекті гуманитарлық көмек келіп жетті. Дүниежүзілік денсаулық сақтау ұйымы мен Түркиядан келген жүкті облыстың денсаулық сақтау басқармасы қабылдап алды, - деп хабарлайды Egemen.kz
"2 жасанды тыныс алу құрылғысы облыс орталығынан шалғай жатқан Жангелді және Амангелді аудандарына жіберілді. Бұдан өзге 80 медициналық бетперде, 3600 көзілдірік, 2 мың қорғаныш халаты, 6 700 қорғаныш костюмі және 25100 қорғаныш экран алдық. Жеке қорғаныш құралдарының бәрі таяу күндері медициналық мекемелерге таратылады", - деп мәлімдеді басқарманың баспасөз қызметі.
Қостанай облысы