Қазақстан, әлемнің барлық басқа елдері сияқты, коронавирус пандемиясының жағымсыз салдарының жиынтығы аясында іскерлік белсенділіктің төмендеуін бастан кешуде. Бұл туралы Ұлттық экономика министрі Руслан Дәленов айтты, - деп хабарлайды Egemen.kz
"Қызмет көрсету саласы ең көп зардап шекті. Онда ағымдағы жылдың 6 айында 5,6%-ға төмендеді. Бұл ретте экономиканың нақты секторында тұрақты өсу байқалады. Тауарлар өндірісі 4,1% - ға өсті. Негізгі драйверлер құрылыс (+11,2%) және өңдеу өнеркәсібі (+4,8%) болды" деді Р. Дәленов.
Министрдің мәліметінше, өңдеу өнеркәсібінде өсім 4,8%-ды құрады. Соның ішінде автомобиль жасау (46%), фармацевтика (24%), дайын металл бұйымдарын өндіру (20%), жеңіл өнеркәсіп (8%), резеңке және пластмасса бұйымдарын өндіру (8%) және қағаз (15%) есебінен қамтамасыз етілген."Үкімет Мемлекет басшысының тапсырмасы бойынша елдегі әлеуметтік-экономикалық тұрақтылықты сақтау бойынша ауқымды шараларды белсенді іске асыруда", деді Руслан Дәленов, Ұлттық экономика министрі.