4 тамыз күні сағат 23:42 шамасында Қызылорда қаласы Полиция басқармасының кезекші бөліміне қала тұрғынынан кәмелетке толмаған екі баласының ойнауға шығып қайта үйіне келмегендігі жөнінде хабарлама түсті.
Балаларды іздеу үшін Жергілікті полиция қызметі бөлімінің ювеналды полиция бөлімшесінің жеке құрамы жұмылдырылды. Полицейлер барлық полиция учаскелеріне бағыт-бағдар беріп, адамдар көп жиналатын орындарды, шатырлар мен қараусыз қалған ғимараттарды тексерді.
Іздестіру жұмыстары барысында екі бала 3 сағат ішінде табылып, аман-есен үйіне жеткізілді.
Түнгі уақытта көше кезген балалардың заңды өкіліне ҚР ӘҚБтК-нің 442-бабы 2-бөлімі бойынша әкімшілік хаттама рәсімделіп, ескерту берілді.
Қазір балалармен және олардың ата-анасымен профилактикалық жұмыстар жүргізілуде.