Эпидемиологиялық ахуалдың тұрақталып, науқастардың азаюына байланысты өңірдегі провизорлық, инфекциялық стационарлар жабылып, бірқатар ауруханалар қалыпты жұмысқа көшті. Соның бірі - көпбейінді қалалық аурухана.
19 маусым - 3 тамыз аралығында халыққа провизорлық стационар қызметін көрсеткен аурухана 10 тамыздан бастап жедел және жоспарлы түрде науқастарды қабылдауды қайта бастады. Осы күні ауруханаға 80-ге жуық науқас қаралып, оның ішінде 30-ы ем алуға жатқызылды.
Қазір амбулаторлы емханалар жолдамасы арқылы жоспарлы түрдегі науқастар портал бойынша ауруханаға жатқызылуда.