Халықаралық триатлон одағы (ITU) Гамбургте өтетін әлемдік серия мен аралас эстафетадан әлем чемпионатының жарыс кестесін жариялады. Бұл туралы Egemen.kz Ұлттық Олимпиада комитетінің баспасөз қызметіне сілтеме жасап хабарлайды.
Гамбургтегі ерлер мен әйелдер арасындағы жекелей сын және аралас эстафета 5 қыркүйекке жоспарланған. Ал Әлемдік серияға 32 мемлекеттен 110 атлет қатысады.
Ал азиялық спортшылар сапынан жапондықтар ғана бақ сынайды. Аралас эстафета додасында 22 команда чемпиондық атаққа таласады. Олардың қатарында Қазақстан да бар.
Айта кетейік, ұйымдастырушылар коронавирус індетінен сақтану үшін қауіпсіздік талаптарын қатаң ұстанады.
Қазақстандағы және әлемдегі соңғы жаңалықтарды бірінші болып оқу үшін Telegram желісінде бізге жазылыңыз.