Қазақстан Қарулы Күштерінде авиация бағыттаушыларының жиыны өтті. Ол Алматы облысындағы «Қазақстан» полигонында ұйымдастырылды. Жиынға Қазақстан Қарулы Күштері «Оңтүстік» өңірлік қолбасшылығының, Аэроұтқыр әскерлерінің әскери қызметшілері тартылды.
Қазақстан Қарулы Күштерінде авиация бағыттаушыларының жиыны өтті. Ол Алматы облысындағы «Қазақстан» полигонында ұйымдастырылды. Жиынға Қазақстан Қарулы Күштері «Оңтүстік» өңірлік қолбасшылығының, Аэроұтқыр әскерлерінің әскери қызметшілері тартылды.
Жаттығу жиынына қатысушылар бір ай бойы жауынгерлік міндеттерді орындау кезіндегі авиациялық техниканы басқарудың теориялық және практикалық мәселелерін пысықтады. Қазіргі уақытта Қазақстан армиясы ұрыс жүргізуді ұйымдастырудың алдыңғы қатарлы технологиялары мен әдістерін, сондай-ақ жерүсті нысаналарына жауынгерлік авиацияны бағыттауды қолданып келеді. Қазіргі заманғы ұрыста авиация бағыттаушыларының рөлі нысанаға дейінгі қашықтықты және авиазиялық зақымдау құралдарын қолдану тәсілдерін түзетуге келіп тіреледі. Жерүсті әскерлерінің құрамындағы авиация бағыттаушылары координаталарды көрсетіп, жергілікті жерлерден бағдар береді. Авиабағыттаушылардың нұсқауы бойынша жауынгерлік ұшақтар мен тікұшақтар авиациялық зақымдау құралдарын қолданады.
Қазақстан Қарулы Күштерінің авиация бағыттаушылары деректерді алу мен талдауға машықтану деңгейін жетілдіріп, жұмыс картасында координаталарды анықтау, жергілікті жерді бағдарлау және зақымдау құралдарының түрлерін таңдау тәсілдерін зерделейді. Олар, сонымен қатар, әуе және жерүсті операцияларын өткізу кезінде деректерді дәлме-дәл жеткізу шеберлігін шыңдауы тиіс.
Курстық даярлықтың соңында жаттығу жиынына қатысушыларға «Алдыңғы шептегі авиация бағыттаушысы» мамандығы бойынша толық даярлық курсынан өткендері туралы куәлік табыс етілді.
«Егемен-ақпарат».