ERG (Еуразиялық Топ) құрамындағы «Еуроазиаттық энергетикалық корпорациясы» АҚ Ақсу электр стансасы өзен арнасын тереңдету жұмыстарын атқаратын 1600-45 жобасы Ц480Д дизельді жаңа балшық сорғыш кемені Ертіс өзенінде суға түсірді. Балшық сорғыш кеме Ресейдегі Цимлян кемежасаушы зауытынан 5 жылға лизингке алынған.
Балшық сорғыш кеме «ЕЭК» АҚ электр стансасының энергоблоктарының конденсаторларындағы суды суытатын №1, №2 жетелегіш арнасында жұмыс атқармақ. Сатып алынған техника станса игілігіне ғана емес, сонымен қатар экологияға оң әсерін тигізеді. Өйткені балшық сорғыш кеме Ертіс өзені арнасындағы тұнба мен лайды тазалайды.
Айта кетерлігі, бұл үдеріс жыл сайын жүргізіліп отырады. Алайда ескі балшық сорғыш кеме арнаның жаға тұсын ғана тазалай алатын. Енді арнаны толықтай тазалауға мүмкіндік бар.
– Бұл балшық сорғыш кемені сатып алу және пайдалану Ақсу электр стансасының энергоблоктарын сумен қамтамасыз етудегі тәуекелдерді жойып, Еуразиялық топ құрамындағы кәсіпорындарды электр энергиясымен үздіксіз қамтуға жағдай туғызады. Сонымен бірге Ақсу кентінің тұрғындарын ауыз сумен қамту сенімділігін арттыруға сеп, – деді «ЕЭК» АҚ Ақсу электр стансасының бас инженері Вадим Верещака.
Тартып шығарылатын гидроқоспалар мен қойыртпақ суды бүркейтін арнайы белгіленген учаскелерге қойылып, сорғытылады. Балшық сорғыш кеме – су астынан гидроқоспа түріндегі топырақты сорып алатын және шаю картасы немесе үйіндіге тасымалдайтын техникалық флот кемесі. Гидроқопсытқышы мен механикалық қопсытқышы бар. Негізгі агрегат өнімділігі – құмды қиыршықтасты қоспа бойынша сағатына 80-нен 800 текше метрге дейін жететін топырақты сорғы.