Италияның солтүстігі мен Францияның оңтүстігіне "Алекс" дауылы соғып, көп елді мекенді су басып жатыр, деп хабарлайды Egemen.kz Хабар 24 телеарнасына сілтеме жасап.
Табиғат апатынан Апеннин түбегінде 2 адам қаза тауып, 20-дан аса тұрғын із-түзсіз жоғалып кетті. Италияның солтүстігінде дүлей желмен бірге жауған жаңбырдан өзендер арнасынан асып, бірқатар тас жол мен көпірді су шайып кетті.
Электр желілері бүлініп, мыңдаған адам жарықсыз қалған. Дауылдан Францияда 8 адам жоғалып, іздестіріліп жатыр. 30 мыңнан астам үй жарықсыз қалып, Ницца қаласында мектептер жабылды, Әуежайлар уақытша жұмысын тоқтатты.
Ауа райын болжаушылардың айтуынша, Альпі тауы аймағында 10 сағаттың ішінде 1 жылдық мөлшердегі жауын жауған. Қазір екі елде апаттың салдарымен күрес жүріп жатыр.