Нұр-Сұлтан қаласындағы "Астана су арнасы" МКК мекемесі судың бағасы өседі деп болжам жасап отыр, деп хабарлайды Egemen.kz
Бүгін Алматы аудандық әкімдігі қабырғасында өткен қоғамдық тыңдау кезінде мекеме басшылығы арнайы жоспармен таныстырды. Жоспар бойынша сумен қамту және су тарту тарифі шамамен 40-тан астам процентке өсуі ықтимал. Мұны мамандар инфляциямен және шығын көлемінің артуымен түсіндіреді.
"Астана су арнасы" МКК бас директоры Табиғат Зейнулқабден: "Бүгінгі күні біздің тариф бойынша орташа есеппен санаған кезде ауызсу 94 теңге, кәріз 86 теңге, енді 44 пайызға суды, сосын кәріз бағасын 137 пайызға көтереміз деп отырмыз", дейді ол.