Ауа-райының салқындауына байланысты, сондай-ақ елорданың тұрғындары мен жұмыс берушілердің сұрауы бойынша жексенбі күні қоғамдық көлік қозғалысы тоқтатылмайды, деп хабарлайды Egemen.kz.
Жексенбі күні автобустар сағат 21:00-ге дейін жүреді. Басқа күндері қоғамдық көліктер қалыпты жұмыс істейді.⠀"Автобустар мен автопарктерде әдеттегідей әр айналымнан кейін және соңғы аялдамаларда дезинфекциялық жұмыстар жүргізіледі. Қала тұрғындарын санитарлық нормаларды сақтауға шақырамыз. Автобустарға бетпердесіз кіруге тыйым салынады", делінген хабарламада.⠀Еске сала кетейік, жол ақысы тек қолма-қол ақшасыз төленеді.