Алматы облысының Талғар ауданында ерекше жарыс өтті. Бұл жолы көкке әртүрлі ұшу аппараттары самғап, шеберлік сайысына қатысты. Яғни аймақтағы алғашқы дода «JETİSÝ Эрон дрон» деген атпен ұйымдастырылып отыр.
Жалпы, бұл жобаның мақсаты Жетісу жерінің киелі жерлерін насихаттау арқылы ішкі туризімнің дамуына қолдау көрсету екен. Ал түпкі негізіне ақпараттық және цифрлы технологиялар саласындағы жастардың шеберліктерін шыңдау, цифрлы сауаттылықты әрі Қазақстанның әлемдік ақпараттық кеңістіктегі имиджін қалыптастыру сияқты мағына жатыр.
Жаңаша мазмұндағы жарысты Алматы облысының «Рухани жаңғыру» жобалық кеңсесі ұйымдастырған. Жетісу топырағында тұңғыш рет өткен жарысқа республиканың әр өңірінен жиырмадан астам дрон шеберлері қатысты. Олар ұшу, кедергілерді еңсеру, арнайы тапсырманы орындау сияқты сайыс ережелерін орындап, ұшу аппараттарын қаншалықты басқара алатындарын дәлелдеді. Дрондар додасының нәтижесінде анықталған үздік шеберлерге беріліп, бағалы сыйлықтармен марапатталды.
– Алматы облысының «Рухани жаңғыру» жобалық кеңсесі Жетісудың киелі жерлерін ел ішінде және шет мемлекеттерде насихаттау арқылы ішкі туризмнің дамуына қолдау көрсетуді бастады. Сондықтан робот техникасы мен пилотсыз ұшу аппараттарын меңгеруді дәріптеу, тәжірибе алмасу мен жастардың ғылыми-зерттеу жұмыстарын қолдау арқылы олардың кәсіби деңгейін арттыруды басты мақсат етіп отыр. Бұл өңірдегі жастардың ақпараттық және цифрлы технологиялар саласындағы шеберлігін шыңдау, цифрлы сауаттылығын арттыру әрі отанымыздың әлемдік ақпараттық кеңістіктегі имиджін қалыптастыруға оң ықпал етпек. Біз алғаш рет өткізген «JETİSÝ Эрон дрон» байқауына қатысушылар легі көп болды. Бұйырса, бұл жобаның ауқымын кеңейтіп, дәстүрлі түрде өткізсек деген ойымыз бар, – дейді идея авторы Самат Жаманбаев.
Алматы облысы