Желтоқсан айынан бастап мұнайлы өңір тұрғындары күнделікті тұтынатын су бағасын 27 пайыздық өсіммен төлеуі мүмкін.
Желтоқсан айынан бастап мұнайлы өңір тұрғындары күнделікті тұтынатын су бағасын 27 пайыздық өсіммен төлеуі мүмкін. Өйткені, 1 қазанда «Атырау су арнасы» кәсіпорны су бағасын осынша пайызға көтеру жөнінде ұсыныс беріпті. Сонымен бірге, канализация тарифі де 30 пайызға қымбаттамақ. Табиғи монополияларды реттеу агенттігінің Атырау облысы бойынша департаменті басшысының міндетін атқарушы Райхан Мизамғалиева дәл осылай деп мәлім етті.
Ал «Атырау су арнасы» КМК басшылары су мен канализация тарифтерінің қымбаттауын су тазартуға арналған химиялық реагенттердің қымбаттауымен түсіндіреді. Биыл оның бағасы былтырғыдан 30 пайызға өсіп кеткен. Сол себептен, сумен қамтушы кәсіпорын су мен канализация тарифін бір мезгілде өсіруге ұмтылыс танытуда.
Жолдасбек ШӨПЕҒҰЛ,
«Егемен Қазақстан».
Атырау облысы.