«Жаңадан реттеу» қағидаты енгізіледі

Талқылауға Кәсіпкерлердің құқық­тарын қорғау жөніндегі уә­кіл Рустам Жүр­сінов, «Атамекен» ҰКП Басқарма төрағасы­ның кеңес­­шісі Ербол Өстеміров, «Ата­мекен» ҰКП Басқарма төр­аға­сы­ның орынбасары, бизнес-омбудс­мен аппаратының басшысы Шыңғыс Темір, сондай-ақ «Нарық­ты мониторингілеу және сарап­тау орталығы» ЖШС дирек­торы Серікбек Елшібеков қатысты.

«Жаңадан реттеу» қағидатын енгізу мемлекеттік реттеу проб­лемаларын шешуде жүйелі тәсіл­ді көздейді. Көптеген дамыған е­л­дер тиімді бизнес-реттеуді қа­лып­­тастыру жолынан өтті, сон­дық­тан да жұмысты осы елдердің тәжі­рибесіне сүйене отырып жүр­гізу қажет», деді Қазақстан кәсіп­керлерінің құқықтарын қор­ғау жөніндегі уәкіл Рустам Жүрсінов.

Сондай-ақ ол сатып алу саласындағы сыбайлас жем­қорлық тәуекелдерін төмен­дету үшін «Атамекен» ҰКП-ның «Сатып алудың бірың­ғай терезесі» порталының мү­мкін­дік­тері кеңінен пайдаланылып отырғанын айтты.

Естеріңізге сала кетейік, биыл 22 қаң­тар­да Сыбайлас жемқорлыққа қарсы іс-қимыл агенттігі алаңында 2020 жылдың басы­нан бастап осы портал жанында әрекет етіп отырған «Регион ГЗ» мемлекеттік са­тып алулардың рейтингтік жүйесі таныс­тырылды. Оның жұмысы барысында жал­пы сомасы 22,8 млрд теңгеден асатын негізсіз жоғары бағалармен сатып алу анықталды.

Ал «Атамекен» ҰКП Басқарма төраға­сының кеңесшісі Ербол Өстеміров жаңа реттеу­шілік сая­сат мәселелері бойынша заң жо­ба­сының қалай әзірленіп жат­қа­нына назар аударды. Оның айтуынша, заң жобасында Кәсіп­керлік кодекске реттеу сапасына бағытталған бірқатар норманы енгізу жоспарланған. Бұдан басқа заң жобасы аясында салдарларды іс жүзінде байқаудан өткізу мақ­сатында жаңа реттеуді енгізудің не­ме­се қолданыстағыларын алып тастаудың эксперименттік уақыт­­ша режімінің құқықтық мәрте­бесі, сон­дай-ақ нормативтік-құқық­тық актілер мен нормативтік техни­ка­­лық құжаттардың дерек­қоры бо­лып табылатын кәсіпкерлік са­ла­сын­дағы Міндетті талаптар тізілімі­нің құқықтық мәртебесі белгіленетін болады.

Мемлекеттік сатып алуда­ғы де­рек­­терді, оның ішінде жер­гілікті қам­ту үлесін жед­ел тал­дауға келе­тін болсақ, мұн­да об­лыс­тар мен аудан­дар бөлінісінде барл­ық ақ­­па­­ратты алуға бола­тын «Са­тып алу­дың бірыңғай тере­зесі» бағ­дарламасы маңыз­ды рөл ат­қарады. Бұл туралы бас­пасөз кон­­фе­­ренциясы барысында «Нарық­ты мони­торингілеу және сараптау орталығы» ЖШС директоры Серікбек Елшібеков жеткізді.

«Сатып алудағы жергілікті қамту үле­сі бойынша есептерді егжей-тегжейлі тал­дауға және зерделеуге болады. Сондай-ақ өнер­кәсіп пен қарапайым заттар экономикасы бөлінісінде жергілікті қамту үлесі бойынша жеке есеп дайындап жатырмыз», деді ол.