Ақпараттар ағыны

*Алматы қаласындағы 32 тұрғын үйдің жарамсыз лифтілері ауыстырылады. Ол үшін республикалық бюджеттен 312 млн. 500 мың теңге бөлінген. Осы ша­һарда негізінен 4 мыңға жуық лифті жұмыс істейді. Соның ең ескілері бұдан 35 жыл бұрын орнатылған. ПИК қызметкерлері қазір тұр­ғындармен келісімшартқа отырып, атқарылатын жұмысты пысықтау үстінде.

*Алматы қаласындағы 32 тұрғын үйдің жарамсыз лифтілері ауыстырылады. Ол үшін республикалық бюджеттен 312 млн. 500 мың теңге бөлінген. Осы ша­һарда негізінен 4 мыңға жуық лифті жұмыс істейді. Соның ең ескілері бұдан 35 жыл бұрын орнатылған. ПИК қызметкерлері қазір тұр­ғындармен келісімшартқа отырып, атқарылатын жұмысты пысықтау үстінде.

*«Болашақ» бағдарла­ма­сына жаңа санаттар енгізілді. Осының негізінде бұқаралық ақпарат өкілдері мен мәдениет саласының қызметкерлеріне магистр атануға мүмкіндік жасалды. Қазіргі кезде біздің жас­тар бұл бағдарлама бойынша әлемнің 33 елінде білім алуда.

*Қашаған кен орнын­да мұнай өндіруді жаңғырту мәселесі келер жылдың қаңтар айы ортасына қарай шешіледі. Осы жұмысты жүйелі жүргізу үшін «Самұрық-Қазына» ұлттық әл-ауқат қоры» АҚ «Норт Каспиан Оперейтинг Компани» өкілдерімен ке­ліссөздер жүргізуде.

*2014 жылы «Алматы–Ташкент» халықаралық жүрдек пойызы жолға шы­ғады. Бұдан бөлек, «Астана–Защита», «Алматы–Защита», «Алматы–Ташкент» және «Алматы–Ақтөбе» жүрдек пойыздарын қатарға қосу міндеті тұр. Көлік және коммуникация министрі Асқар Жұмағалиевтің мәлімдеуінше, жыл сайын олардың саны көбейтіліп отырады.

*Жоғары дәлдіктегі спут­никтік навигация­ жүйесінің жер үсті инфрақұрылы­мының бірінші нысаны Ақтау айлағында іске қосылды. Бұл құрылғы мамандар тарапынан оң бағаланып отыр. Өйткені, ол Каспий теңізінің қазақстандық секторына ғылыми-іздестіру жұмысын жүргізуге мүмкіндік береді.

*Ақтөбе облысында алдағы мерзімде «Қолжетімді баспана-2020» бағдарламасы бойынша 100 мың шаршы метр тұрғын үй салынады. Сондай-ақ, биыл 607 тұрғынға пәтер кілті табыс етіледі. Бұл бағдарлама жергілікті өңірде өткен жылдан бастап қолға алынған.

*Келер жылы «Батыс Еуропа–Батыс Қытай» ха­лықаралық көлік дәлізінің 180 шақырымы пайдалануға беріледі. 2015 жылы оны толық іске қосу жоспарланған. Жалпы, биыл бұл бағыт бойынша облыстар аумақтарында 1853 шақырым жолға жөндеу жұмыстары жүргізілген.

*Қызылорда қаласында алдағы жылы жаңа автобус паркі салынады. Сонымен бірге, 20 автобус сатып алу көз­делуде. Осы істердің тиянақты атқарылуына 27 млн. доллар бөлінген.

«ҚазАқпарат», Egemen.kz хабарлары бойынша дайындалды.