Түн ортасында Құрманғазы ауданының Мақаш ауылдық округінде тұрғын үйдің бірі өртенген, деп хабарлайды Egemen.kz.
«Учаскелік полиция инспекторы Талғат Рахимов пен көмекшісі Біржан Махмудов, полиция қызметкері Бағытжан Қадырбаев түнгі сағат 01:00 шамасында ауылдағы тұрғын үйдің бірінен өрт шыққанын байқаған. Полицейлер оқиға орнына жедел жетіп, өртенген үйден 4 ересек адам мен 3 баланы құтқарды» деп хабарлады облыстық полиция департаментінің баспасөз қызметі.
Полицейлер өрт сөндірушілер келгенге дейін қызыл жалынды сөндіруге көмектескен.