Спорттық гимнастикадан лицензиялық Азия чемпионаты коронавирус инфекциясына байланысты өткізілмейді. Бұл туралы Egemen.kz Азия гимнастика одағына сілтеме жасап хабарлайды.
«Қытайдың гимнастика қауымдастығы көп күш салғанына қарамастан, жергілікті биліктің жарыс ұйымдастыруға тыйым салынуына байланысты Азия біріншілігі өткізілмейді», делінген хабарламада.
Жарыстың өтпеуіне басты себеп Қытай билігінің коронавирус инфекциясының алдын алу мақсатында жасаған шектеулері болып отыр. Сондай-ақ жол сапарларының шектелуі мен әлем бойынша туындаған қиындықтарды да турнирді ұйымдастырушылар ескерген.