Бүгін Өзбекстан Республикасының президенті Шавкат Мирзиеев пен Пәкістан Ислам Республикасының премьер-министрі Имран Хан бейнеконференция режимінде саммит өткізді, деп хабарлайды Egemen.kz Өзбекстан президентінің баспасөз қызметіне сілтеме жасап.
Онлайн жиын барысында Өзбекстан мен Пәкістан арасындағы серіктестік пен практикалық өзара іс-қимылды тереңдету жөніндегі негізгі міндеттер егжей-тегжейлі қарастырылып, бірінші кезектегі шаралар айқындалды.
Тараптар Халықаралық және өңірлік күн тәртібіндегі өзекті жайттар жөнінде пікір алмасты.
Кездесу қорытындысы бойынша бірлескен мәлімдеме қабылданып, бірқатар маңызды құжатқа қол қойылды.