Қайырымдылық – мұсылман баласының ең басты парызының бірі болып саналатындығы анық.
Рамазан айының соңғы күні, яғни мамырдың 12-сі Ағашорын ауылдық округінің имамы Амантай қажы Кәкімовтың және ауылдағы қалталы азаматтардың мұрындық болуымен Ағашорын және Ұзынсу ауылындағы көпбалалы, сонымен қатар тұрмыс деңгейі төмен отбасыларына арналған қайырымдылық іс-шарасы өтті.
Шара басында Амантай қажы тұрғындарды Рамазан айымен және келіп жеткен Ораза айт мерекесімен құттықтап, 26 отбасына азық-түлік салынған қоржындарды тарту етті. Одан әрі көп балалы отбасылар киім-кешек түрлеріне де ие болды.
Ауыл тұрғындары осындай қайрымдылық іс-шарасын өткізген ауыл имамына ризашылықтарын білдіріп, көмек қолын аямаған ауылдың атқа мінер ел азаматтарына да зор ықыласын жеткізді.
Ақылбек Қызкенов