Жалпы білім беретін пәндер бойынша республикалық олимпиаданың қорытындысы бойынша Назарбаев Зияткерлік мектептерінің командасы «Үздік олимпиадалық команда - 2021» аталымында I орын алды, деп хабарлайды Egemen.kz.
Биыл республикалық олимпиада 25-30 сәуір аралығында өткен болатын. NIS оқушылары еліміз бойынша жалпы саны 86 медаль жеңіп алды. Жоғары көрсеткіштердің арқасында бірден бірнеше Зияткерлік мектеп республиканың үздік олимпиадалық мектептерінің қатарына енді.
Олардың қатарында I орын иеленген Алматы қаласындағы физика-математика бағытындағы NIS, II орын алған Павлодар қаласындағы химия-биология бағытындағы NIS және де III орын иеленген Ақтөбедегі физика-математика бағытындағы NIS, Қарағандыдағы химия-биология бағытындағы NIS, Шымкент қаласындағы химия-биология бағытындағы NIS командасы бар.