Қазақстандық және ресейлік вакцина үнді штамына қарсы тұра ала ма? Бұл сұраққа Алматы қаласының бас санитария дәрігері Жандарбек Бекшин жауап берді, деп хабарлайды Egemen.kz.
«Біздің құрастырушылардың айтуынша, QazVac және Спутник V Дүниежүзілік денсаулық сақтау ұйымының мәліметі бойынша, барлық белгілі штамнан, соның ішінде үнді штамынан қорғайды», деді Бекшин.
Айта кетейік, бұған дейін Алматыда үнді штамының алғашқы жағдайы анықталғаны хабарланған болатын. Сондай-ақ мегаполисте әуежай мен вокзалдардағы бақылау күшейтілген.